Shared Understanding
Shared Understanding:
#TFTD (Thought For The Day)
The negotiations we participate in tend to run more smoothly when we are willing to see past our own needs and into the experiences and desires of our opponents.
Though what they hope to achieve will often conflict with the goals we have chosen to pursue, we can nonetheless endeavor to understand the motives driving them forward.
In doing so, we discover that their convictions are as strong as our own, and we can sympathize with them on this account.
It is far easier to reach a mutually satisfying agreement when each party involved makes an effort to accommodate their adversaries.
Adopting a flexible, compassionate approach to discord is easier still when we regard others' needs as being as important as our own.
our ability to adapt to shared understanding should be heightened!
பொன்னியின் செல்வன்
பொன்னியின் செல்வன் திரைப்படத்தின் வெற்றிக்கு சில காரணங்கள்!
பாண்டியர்களின் ஆபத்துதவிகளின் ராஜதந்திரம் மற்றும் அவர்களின் அறம்!
ஒரு பெரிய ஹீரோக்கு நல்ல வில்லன் அமையனும்.
இந்தக்கதையிலும் சரி திரைப்படத்திலும் சரி, பழுவேட்டரையர்கள், பாண்டிய குல ஆபத்துதவிகள், மற்றும் அவர்களின் திறமை தான் முக்கிய கருத்தாக அமைகின்றது.
சோழ அரச குடும்பம் ஒரு போர்க்குடும்பமாகத்தான் அமையப்பட்டிருக்கிறது.
நாட்டின் நிதி பாதுகாப்பு எல்லாமே பழுவேட்டரையர்கள் தான்!
அரச குலத்தவர்கள் சும்மா எதோ வேட்டக்காரர்கள் மாதிரி போர் செஞ்சுருக்காங்க 😜
ஸோ முழுமுதற்காரணம் பாண்டியர்களின் விட்டுக்கொடாத தன்மை இந்நாவலிற்கும் திரைப்படத்திற்கும் சோழற்களுக்கும் வலு!
இரண்டாவது, மணிரத்தினம்
வந்தியத்தேவனின் பாயிண்ட் ஆஃப் வியூவில் கதை சொல்லியிருக்கும் கல்கிக்கு போட்டியாக ஒரு "குட்டி கல்கியாக" தன்னுடைய பாயிண்ட் ஆஃப் வியூவிலிருந்து கதை சொல்லியிருக்கிறார்.
மணி ரத்தினத்தின் தலையில் வைரமும் முத்தும் இல்லாத ஒரு மகுடம் ! வாழ்த்துக்கள்!
மூன்றாவது, ஜெயமோஹன்!
ஜெயமோஹன் என்று சொன்னாலே எனக்கு குமட்டிக்கொண்டு வரும் என்ன காரணமோ தெரில!
திரு. கமல் ஹாசன் அவர்களிடம் பலமுறை ஜெயமோஹன் குறித்து சர்ச்சையிட்டிருக்கின்றேன்!
ஆனால் முதல் முறையாக அவருக்கு ஒரு லால் சலாம் போடுகிறேன்! பொன்னியின் செல்வனின் ஜெயமோஹனுக்காக!
நான்காவது, ஐஸ்வர்யா ராய் என்கின்ற தேவதைக்கு முன் திரிஷாவே திணறினாலும் நம்மை கொள்ளை கொள்கிறார். ஆனால் அவரையும் தாண்டி பூங்குழலியாக ஐஸ்வர்ய லெக்ஷ்மி!
ஜகமே தந்திரத்திலேயே மிரட்டியிருப்பார் அர்ச்சனா 31 நாட் அவுட் படம் பார்த்து நான் அவுட்டாகி இருந்தேன்!
இந்தப் படத்தில் அவரைப் பார்த்த பிறகு.......
பொன்னியின் செல்வி பூங்குழலி ஐஸ்வர்ய லக்ஷ்மிக்கு அனேக அன்பு!
ஐந்தாவது,
எடிட்டிங்!
போரடிக்காம இருந்த ஒரு நாவலை போரடிக்காத திரைக்கதை, போரடிக்காத காட்சியமைப்புகள் என்று இருந்தாலும், அதை மிக நேர்த்தியாக எடிட் செய்த ஶ்ரீகர் ப்ரசாத்திற்கு தான் முழு க்ரெடிட்டும் போய் சேரனும்! அது தான் முறை!
குறை .
இ(ம்)சை
ஜெயமோஹன் என்கின்ற எழுத்தாள விசம்!
'வைரமுத்துவை பயன்படுத்தாதற்கு காரணம் இளையவர்களுக்கு வாய்ப்பளிப்பதற்காகத்தான்.
புதுபுதுசா நிறையபேர்,
தமிழ் சார்ந்து ரிசர்ச் செய்யும் நிறைய ஆளுமைகள் இருக்கிறார்கள் அவர்களை பயன்படுத்தத்தான்' என்று மணிரத்தினம் தெரிவித்து இருக்கின்றார்.
புதுசு புதுசா ரிசர்ச் செய்யும் ஆளுமைகள் என்று அவர் குறிப்பிடுவது "ஜெயமோகன் மற்றும் அவரது விசிலடிச்சான் குஞ்சு ரசிகர்கள்" என்பதை நினைத்துப்பார்க்கவே "உவ்வே" வருகிறது.
இந்த மேட்டுக்குடித்தனத்தை மேட்டிமைத் தனத்தை நாம் "ஆரியகுடுமி" என்று எதேச்சையாகவும் எதார்த்தமாகவும் விட்டுவிட முடியாது!
திராவிடம் மற்றும் தமிழ் இலக்கியங்களை ஆரிய ஆதிக்கத்திலிருந்து மீட்டெடுப்போம்,
"தீ பரவட்டும்" என்று பெரும் உணர்ச்சி மிகு போராட்டத்தை கையிலெடுத்து விளையாடினார்.
இன்றைய நவீன தமிழ் இலக்கிய எளைஞர்கள் தயவு கூர்ந்து அந்த அறிவுசார் விவாதங்களை கண்டிப்பாக படிக்க வேண்டும்.
இல்லாவிட்டால்,வைரமுத்து பாட்டெழுதாதை எதோ #MeToo போராட்ட நாயகி சின்மயி, மணிரத்தினம் ஜெயமோகன் போன்றவர்களின் உச்சகட்ட தியாக வேள்வி தான் காரணம் என்றும்,
பெண்களை வெறும் பாலியல் பலாத்காரம் செய்ய பயன்படுத்தும் "ஸ்த்ரி லோலன்களை" ஒதுக்கித்தள்ளுவோம் என்கின்ற வகையில் மட்டுமே பார்க்கப்படும்.
தமிழ் மன்னர்களையும் திராவிடத்தையும் சொந்தம் கொண்டாடத் துடிக்கும் இந்த ஆரியக்குடுமிகள் பாடுவது பழைய புராணம் தான்!
இதே பழைய புராணக்கதையில் உருவானது தான் இளையராஜாவை ஒதுக்கியதும் (பா.ரஞ்சித் போன்ற அம்பேத்கரிய வியாதிகளும், சங்கி மங்கி என்றால் என்ன என்பதை கூட கூகுளில் தேடிப்படிக்கும் திராவிடக்குஞ்சுகளும் இளையராஜாவை ஒதுக்குவது வேற விசயம்)
சரி விசயத்துக்கு வருவோம்.
தமிழ் இலக்கிய பாலில் மெல்ல மெல்ல நஞ்சைக்கலக்கும் ஜெயமோகன் மற்றும் அவரது குஞ்சுகளும் தமிழ் சினிமாவில் இலக்கிய வேலை பார்ப்பது யாருக்காக என்று எண்ணிப்பார்த்தாலே நமக்குப் புரிந்து விடும்.
ஏறத்தாழ அவாளும், அய்யங்காரும், திருமலை நாயக்க மன்னர் பரம்பரை என உயர்சாதி குடுமி ஆடும் இடங்களில் மட்டுமே பணிபுரிவர்.
நான் கடவுள் பாலா எனும் ஆதிக்கசாதி உணர்வு கொண்டவர் என்பதும் அனைவரும் அறிந்ததே!
இப்படி மேட்டுக்குடியினராகப் பார்த்து பார்த்து சேவகம் செய்ய்ம் ஜெயமோஹனை என்ன சொல்வது.
இது குறித்து யாரேனும் ரிசர்ச் செய்தால் தமில் சிணிமாவும் இழக்கியமும் வாலும்.....
ஸோ மணிரத்தினங்கள் எத்தனைதான் கட்டியம் கட்டினாலும் வைரமுத்துக்களை ஒன்றும் செய்ய இயலாது.
"ராவணனுக்கும்" "கடலுக்கும்" இருக்கின்ற வித்தியாசத்தை கொள்கை ரீதியாக புரிந்து கொள்ள முடியாதவர் இல்லை மணிரத்தினம் என்கின்ற நம்பிக்கையின் அடிப்படையில்,
ஜெயமோகன் போன்ற எழக்கிய விச ஜந்துக்களை ஒதுக்கி மீண்டும் சினிமாவிற்கான விழுமியங்களை எடுத்து பணியாற்றுங்கள்.
அய்யர், அய்யங்கார், பிள்ளைவாள், செட்டியார், முதலியார், தேவர், கவுண்டர், மற்றும் அனைத்து இடைசாதியினருக்கும், மேலும் பள்ளர் பறையர் என இதைப்படிக்கும் அனைத்து சாதி நண்பர்களுக்கும் இக்கட்டுரையை சமர்ப்பிக்கின்றேன். ஏனெனில் ஜெயமோகனை கொண்டாடுவது தமிழுக்கு இழைக்கப்படும் ஒரு துரோகமும் வன்மமுமாகவே பார்க்க வேண்டும்.
பின் குறிப்பு:
" பொன்னி நதி பாக்கனுமே பொழுதுக்கொள்ளே"
Attention Please - Malayalam Movie
கமல் ஹாசன் :-
ரேடியோக்களில் வருகின்ற எண்டெர்டெயின்மெண்ட்களில் கதை சொல்லல் மற்றும் கதை சொல்லிகளின் பங்கு மிக வலுவானதாக இருக்கும் என்று ஏறத்தாழ 20 -25 வருடங்களுக்கு முன்னரே திரு.கமல் ஹாசன் அவர்கள் கட்டியம் கட்டிச் சொன்னார்.
பாட்காஸ்ட் ( Podcast ) என்கின்ற ஒரு தொழில்நுட்பம் பெரும்புரட்சிக்கு வித்திட்டிருக்க வேண்டியது. ஆனால் என்ன காரணமோ தெரியவில்லை, பாட்காஸ்ட் எனப்படும் ஆன்லைன் ரேடியோக்கள் வெகுவாக வெகுஜன மக்களிடம் எடுபடவில்லை!
சாருநிவேதிதா:-
தமிழ் பத்திரிக்கைகளில் மூன்றம் தர கிசுகிசுக்களில் கூட ஒரு எழுத்தாளனைப் பற்றியோ அல்லது இலக்கியவாதி பற்றியோ எந்த பத்திரிக்கையாளரும் எழுதுவதில்லை என்று குறைபட்டுக்கொண்ட செய்தியை அண்மையில் படிக்க நேர்ந்தது!
இலக்கியவாதிகளுக்கும் எழுத்தாளர்களுக்கும் கதை சொல்லிகளுக்கும் இந்த சமூகத்தில் கிடைக்கின்ற மரியாதை, இழுக்கு, ஒவ்வாமை, நிராகரிப்பு, தீண்டத்தகாத தன்மை இவற்றைப்பற்றிய நீண்ட நெடும் தொடர் விவாதங்கள் ஆங்காங்கே நடைபெறுவதை சமூக வலைத்தளங்களின் வருகைக்குப்பின் குறிப்பாக நிறைய காண நேரிடுகிறது.
அட்டென்சன் ப்ளீஸ் மலையாளத் திரைப்படம்:
ஜித்தின் ஐசக் தாமஸ் எழுதி இயக்கியுள்ள "Attention Please" என்கிற மலையாளத் திரைப்படத்தை நெட்ப்ளிக்ஸில் ரிலீஸிட்டிருக்கின்றார்கள்.
ஐந்து நண்பர்களின் பேச்சுலர் லைஃப் வாழும் வீட்டில் துவங்கும் காட்சியமைப்பு ரொம்ப ஸ்லோவாக டாகுமெண்டரி போல நகர்கிறது.
ஆனாலும் ஆரம்பம் முதலே கதையும் இயக்குநரும் நம்மை அவரின் "GRIP"ப்புக்குள் கொண்டு வந்து விடுகிறார்கள்.
என்னதான் சொல்ல வர்றாய்ங்கன்னு பாத்துருவோம்னு விடாம பாத்தா, கரெக்டா படத்தின் பாதியில் நண்பர்களில் ஒருவரை இன்னொருவர் கொன்று விடுகிறார்.
அந்த ஸீனில் மொத்தமாக சீட்டின் நுனியில் நம்மைக் கொண்டு வந்து உட்கார வைத்து விடுகிறார் இயக்குநரும் கதாசிரியருமான ஜித்தின் தாமஸ்.
நண்பர்கள் அனைவரும் சினிமா கனவு கொண்டு அது நிறைவேறாமல் எதோ ஒரு தொழிலை செய்துகொண்டிருக்கின்றார்கள்.
அதில் எழுத்தாளன் மட்டும் விடாமல் கதை எழுதிக்கொண்டே இருக்கின்றான்.
ஒரு நாள் சரக்கு அடிக்க அனைவரும் உட்காரும் பொழுது அவனை ஊறுகாயாக ஆக்கலாம் என்று அவனிடம் கதை கேட்கிறார்கள்.
ஹரி என்கின்ற அந்த கதாபாத்திரத்தை ஏற்றிருக்கும் விஷ்ணு கோவிந்தன் அப்பாவி போல துவங்கி அதகளம் பண்ணுகிறார்.
நிஜமாகப் பார்த்தால் ஒரு படத்தில் படத்தின் இயக்குநரின் வேலை 50% தான் என்பதை குறியீடு மூலம், படத்தின் இண்டர்வெல் காட்சியில் ஜித்தின் என்று டைரக்டரின் பெயர் கொண்ட கேரக்டர் இறந்து விடுகிறது. கேமராமேன் ஹிமல் படம் முழுவதும் தேவைப்பட்டாலும் அவர் கதாசிரியரைச் சுற்றி அவருக்கு கீழே தான் என்பது போல அமைக்கப்பட்டிருக்கும் கதையமைப்பு பல உள்ளடுக்குகளை கொண்டிருக்கின்றது.
திரைப்படத்துறையில் கதாசிரியரை ஒரு தீண்டத்தகாத கீழ் சாதி போல தான் ஒதுக்கி நிராகரிக்கிறார்கள் என்பதை நெற்றியடியாகச் சொல்கிறது படம்.
ஆனால் டாக்குமெண்டரி போல ஆரம்பித்த படம் பெரும் எழுச்சி கொண்டு பரபரவென நம்மைப் பற்றிக்கொள்ளும் " என்ன நடக்கப்போகுதோ " என்கிற பதட்டம் சபாஷ் போட வைக்கின்றது.
ஹரி சொல்லும் அனைத்து கதைகளைப் போலவே இப்படமும் ரொம்ப Unsettling காகவே முடிந்து விடுகிறது.
கதை சொல்லியின் முக்கியத்துவத்தை காட்டுவதற்காகவே அவர் சொல்லும் எந்தக் கதைக்கும் விஷுவல்ஸ் இல்லை.
பாட்காஸ்டில் சொல்லப்படும் கிரைம் ஸ்டோரிஸ் போலவே இருக்கின்றது, ஆனாலும் போரிங்காக இல்லாதது திரைக்கதை யுக்திக்கு கிடைத்த வெற்றி .
மலையாள சினிமாவில் எழுத்தாளர்களின் பங்கு முக்கியமானது என்பதை கமல் ஹாஸன் முதல் சாருநிவேதிதா வரை உறுதிபடுத்திச் சொல்லிக்கொண்டே இருக்கிறார்கள்.
இப்படம் அதை திரையில் உறுதிப்படுத்தியிருக்கிறது.
அது என்னடா எல்லா ரிவ்யூயர்ஸும் "MUST WATCH" அப்ப்டின்னு சொல்றாங்கன்னு கிண்டல் அடிப்பது போல இப்படத்தையும் ஆடியன்ஸின் "அட்டென்ஸன் ப்ளீஸ்" என்று சொல்லியிருக்கிறார்கள்.
எனக்கு ஏனோ ஒழிவுதிவசண்டே கழி படம் நினைவுக்கு வந்தது.
கண்டிப்பாக பார்க்கலாம்!
#MovieReviews
#AttentionPlease #Netflix #kamalhaasan #OTT #charunivethitha
சுயமரியாதைக்கு நன்றி...
எம் இனம் காத்திட எழுந்தருளிய ஒளிஞாயிறு.....
அறியாமையை அடித்தொழிக்க வந்த ஞானச்சூரியன்.....
இவனைத் திட்டி இன்றும் வயிறு வளர்க்கும் பலருக்காக மூத்திரப்பையைச் சுமந்து நித்திரையின்றி யாத்திரை செய்த பகுத்தறிவுப்பகலவன்.....
சுய சிந்தனைக்காரன்!!
பொய்மையான கட்டமைப்புச்சுமைகளையும், தீமையான தீண்டாமைச்சுவர்களையும், பெண்ணடிமை கயமைத் தனத்தையும்
சுக்கு நூறாய் நொறுக்கி உடைத்தெறிந்த பேரறிவுப்பெரியோன்!
புதிய சிந்தனைக்காரன்!!
தேசியம், புனிதம், விசுவாசம், பக்தி, கடவுள், பூசை, புனஸ்காரம், என எல்லாப் புனிதக் கற்பனைகளையும் காலில் போட்டிருந்த செருப்பால் அடித்துத்துவைத்த சுயமரியாதைச் சூரியன்......
எங்கள் தாத்தன்!
நாங்கள் உட்கார்ந்த இடத்தை மாட்டுப்பீயையும், மாட்டு மூத்திரத்தையும் தெளித்து சுத்தமாக்கியவர்களை கண்டம் விட்டு கண்டம் ஓட வைத்தவன்....
மானமும் அறிவும் மட்டுமே உனக்கு அழகு என்று தலைமுறை தலைமுறையாய் குனிந்திருந்த தமிழனை தலைநிமிரச் செய்த
எங்கள் குலப்பெரியோன்.....
ராமசாமி சொல்லிட்டான்னு ஒடனே கேட்டுறாத, நீ தேடி உனக்கு சரின்னு படுதா என்று தமிழனை ஞானத்தை நோக்கி திரண்டு ஓடச்செய்த திராவிடத் தந்தையவன்!
பெரியார் இல்லாட்டி படிச்சு இருக்க மாட்டீங்களோ?பெரியாருக்கு முன்னாடி தமிழன் முட்டாளா இருந்தானா? "பெரிய மயிறு இந்தப் பெரியார் என்று சொல்லிச் சிரிக்கும்" பல மேட்டுக்குடிச் சீமான்களையும் "பனையேறி" கீழே இறக்கி, அடித்து படிக்க வைத்தப் பண்பாட்டுச் சீர்திருத்தியச் செம்மல்....
மானுடத்தின் மகுடம் அவன்!
"திராவிடன்" "தமிழன்னு" சொல்லி சொல்லியே எங்கள இன்னும் "பள்ளனாய் பறையனாய்" வச்சு இருக்காய்ங்க என்று சொல்லிப் புலம்பும் ரஞ்சித் பஞ்சமர்களையும் அதட்டி அறிவு வளர்த்த பெருந்தாத்தன்...
சூத்திரனின் அறிவுச் சூத்திரம் அவன்!
ஆண்ட சாதி, அரச பரம்பரை, வீர சைவம், வன்னிய குல சத்திரியன், தேவண்டா என்று சொல்லிய எல்லாத்தையும், பாப்பானப் பொறுத்தவரை நீ வெறும் சூத்திரப்பயலும் தேவுடியப்பயலும் தாண்டா என்று புட்டத்தில் அடித்து முன்னேறச் செய்த கரும்புரட்சிக்காரன்
கருப்புச் சட்டைக்காரன்!!
அவனுக்கு நாம வேணாம்!
ஆனா
நமக்கு அவன் வேணும்......
வணக்கத்தையும்
போற்றுதலையும் பொடிப்பொடியாக்கிய சுயமரியாதைக்கு நன்றி!
@cupidbuddha
எலிசபெத் எனும் ஃபோட்டோஷாப் புன்னகை அரசி!
ராணி எலிசெபத்தின் மறைவிற்கு பின் மன்னராட்சி குறித்து பல்வேறு கேள்விகள் எழுப்பப்பட்டு வருகின்றன!
ஆனால் நாம் ஆய்வு செய்யவிருப்பது, சற்று குறைவான பொறுப்புகள் அதிகாரங்கள் பெற்றிருப்பினும் கூட மகராணி என்கின்ற பட்டத்தை தக்கவைத்துக்கொள்ளவும், மன்னராட்சியினை 21 ம் நூற்றாண்டு வரை இழுத்துக்கொண்டு சென்று வந்த ஒரு ஆளுமையாக எலிசபெத் அவர்களின் பெருமையாக கூறினாலும் அதற்காக அவர் பட்ட கஷ்டங்கள், நஷ்டங்கள் அவமானங்கள், இழப்புகள், தோல்விகள் என்னவென்று ஆராய முற்படின் ஒன்றுமே இல்லையெனச் சொல்லலாம்!
ஆம் ஆச்சரியமாக இருக்கின்றது அல்லவா!
ஆனால் அதுவே உண்மை!
ஒரு காலத்தில் சூரியனே மறையாத பெரும் எல்லைகளைக்கொண்ட இங்கிலாந்து அரச குடும்பம், இன்று ரப்பர் ஸ்டாம்ப் அளவினதாய் சுருங்கிச் சிறுத்துப் போய்விட்டது.
உலகம் முழுதும் மக்களாட்சி மேன்மையடையத்துவங்கிய அதே காலகட்டத்தில் அதன் விளைவில் மன்னராட்சி வீழத்துவங்கியது.
ஆனாலும் இங்கிலாந்தில் மட்டும் அரச குடும்பத்தினர் தங்கள் மாட்சிமை பொருந்திய மரியாதையை வெகு கவனமாக காப்பாற்றிக்கொண்டே வந்தனர்.
அதற்கு முக்கிய காரணம் ராணி எலிசபெத்தின் எவ்வித சலனமும், உணர்ச்சியும், உணர்வும், இல்லாத ஒரு முகமூடி அணிந்த சாவி கொடுக்கப்பட்ட ஒரு பொம்மை போன்ற ஒரு முக அமைப்பைக் கொண்டு, உலகமே அழிந்தாலும் சரி, தனது நாடும் வீடும் எக்கேடு கெட்டுப்போனாலும் சரி, எனக்கு அது குறித்து கருத்தோ கவலையோ இல்லை.
எனக்கு எனது ராணி பொறுப்பையும் இந்த ராஜாங்கத்தை இழந்து விடாமல், வீழந்து விடாமல் கொண்டு செல்வது மட்டுமே எனது பணி என்கின்ற ஒரு மனநிலையில் தனது 96 வயதினில் ஏறத்தாழ 70 வயதினைக் கடத்தி ஓய்ந்து விட்டார் ராணி எலிசபெத் அம்மையார்.
ஒட்டுமொத்தமாக 5 அல்லது 6 முறை மட்டுமே திரையில் தோன்றி பேசியுள்ளார். அதிலும் இரண்டாம் உலகப்போர் காலத்திய அவரின் பேச்சும் அண்மையில் கொரோனா காலத்தில் நாம் மீண்டும் சந்திப்போம் என்று சொல்லியதும் இதற்கிடையில் நீண்ட மௌனத்தை உடைத்து ஒரு தாயாகவும் பாட்டியாகவும் என்று தன்னை சொல்லி டயனாவின் இரங்கல் குறித்து பேசியது மட்டுமே பெரும்பான்மையான மக்களுக்கு நினைவில் நின்றிருக்கும்.
இவற்றைத் தவிர ராணி எலிசபெத் அம்மையார் இது வரை உலகின் பெரும் பிரச்சனைகள் எல்லாவற்றிற்கும் தனது போட்டோஷாப் செய்யப்பட்ட புன்சிரிப்பினையே பதிலாக தந்தார்.
இதன் மூலம் நாம் அறிந்துகொள்ளக்கூடியது என்னவெனில், தனது ராணிப்பட்டத்தையும் ப்ரிட்டிஷ்ஷின் மன்னராட்சியினையும் தக்க வைத்துக்கொள்வதற்கு தன்னிடம் இப்புன்னகையைத் தவிர்த்து வேரொன்றுமில்லை என்பது தான்.
தனக்கு கொடுக்கப்பட்ட வேலையினை சிறப்பாக செய்து முடித்து இயற்கையடி சேர்ந்தும் விட்டார்.
மன்னாராட்சி முறையில் ஒற்றைக் குடைக்குள் உலகத்தை அடைக்க நினைத்த இங்கிலாந்து அரசிற்கும், சர்வாதிகாரத்தின் மூலம் உலகை தன் ஆதிக்கத்திற்குள் கொண்டு வர முயன்ற ஹிட்லருக்கும் சற்றும் குறைவில்லாமல் உலகின் மிகப்பெரும் ஜனநாயக நாடான இந்தியாவில் தற்பொழுது நடைபெறும் ஆட்சிக்கும் பெரிதான வேறுபாடுகள் இருப்பதாக தெரியவில்லை!
ஒரே நாடு,
ஒரே ரேசன்
ஒரே மொழி
ஒரே கல்வி
ஒரே கட்சி என்று ஒன்றிய அரசின் அடாவடிக் கொள்கைகள் அச்சமூட்டுபவையாக இருந்தாலும் ஆபத்து நிறைந்தவையாக இருந்தாலும் அழியப்போவதென்பது வரலாறு நமக்கு சொல்லும் உண்மை!
ஜார்க்கண்டிலும், கோவாவிலும் இன்ன பிற மாநிலங்களிலும் எதிர்கட்சியினரை விலைபேசி வாங்கும் "ஆப்பரேசன் லோட்டஸ்" எனும் அதி பயங்கரமான ஜனநாயக விரோதத்தனமான போக்கு இந்திய இறையாண்மைக்கு சவால் விடும் போக்கு.
சூரியன் மறையா எல்லை கொண்ட ராஜ்ஜியங்களே மலையேறி மண்ணாகிப் போய்விட்டது.
குளத்துத் தாமரைகள் பாவம் ஆகாயச்சூரியனால் சுட்டெறிக்கப்படும் நாள் வெகு தொலைவில் இல்லை!
வாழ்க மக்களாட்சி
வளர்க மக்கள்!
அரசியல் குறள்
துரோகி = விசுவாசி
நீ ஒரு துரோகி!! என்று யாரோ உரக்கச்சொல்லி இருப்பார்போல டெமி மூரிடம்....
நானா துரோகி ? இல்லை!
என்று தன்னையே ஒரு திறந்த புத்தகமாக, திறந்து காட்டிவிட்டார்.
இனிமே நீ ஒரு துரோகி அப்படின்னு ஒரு பய சொல்லிட்டு டெமி மூர் கிட்ட வரமாட்டான்.
நிற்க
"பெண்களின் காதலையும்" "ஆண்களின் அன்பையும்" , "விசுவாசம்" என்கின்ற பெயரில் அவமதித்துஅவமானம் செய்வது கொங்காக்கூட்டங்களின் முட்டாக்கூழ்த் தனம்.
முக்கியமாக மதங்கள் மற்றும் கடவுளின் பெயரைச் சொல்லி, நீ விசுவாசமாக இருக்க வேண்டும்என்று சொல்லி, அப்படி விசுவாசமாக இல்லாதவர்களை துரோகிகள் என்ற பழிச்சொல் சொல்லிஅசால்ட்டாக துடைத்தெறியும் பழக்கத்தை ஆணாதிக்கச்சமூகம் பல காலமாக செய்துவருகிறது.
விசுவாசம் என்பது மூடநம்பிக்கை போன்றது.
கண்மூடி ஒருவரை நம்புவது.....
மூடநம்பிக்கைக்கு சற்றும் குறைவில்லாத விசுவாசத்தையும் நான் என்னளவில்ஏற்றுக்கொள்வதில்லை.
நீ விசுவாசியா என்று கேட்டவர்களை போடா முட்டாத்துரோகி என்று கண்டபடி கெட்டவார்த்தையில் திட்டி இருக்கின்றேன்.
நமது புராண இதிகாசமான இராமாயணத்தை எடுத்துக்கொண்டால் சீதையின் காதலையும்அனுமாரின் அன்பையும் புரிந்து கொள்ளாத கேரக்டர் ராமனாக இருந்தால் என்ன ராவணனாகஇருந்தால் என்ன? நமக்கு பொருட்டே இல்லை!!
"என்னை விசுவாசிக்கிறவன் மரித்தாலும் பிழைப்பான்" என்று ஆண்டவராகிய யேசு கிறிஸ்து பற்றி அந்த ஆண்டவரே சொன்ன மாதிரி விவிலியங்களிலும் கதை சொல்லி இருக்கிறார்கள்.
குரானிலும் சொல்லி இருப்பார்கள் ( அப்பாடா மும்மதங்களையும் குறிப்பிட்டாகிற்று இனி மதத்வேஷம் என்று எதாவது ஜெயமோஹ எழுத்தாழ எழும்பிகள் பொங்கியழ மாட்டார்கள்)
நல்ல வேளை டெமி மூர் தமிழ்ப் படங்களில் நடிக்கவில்லை, அப்படி ஒருவேளை நடித்திருந்தால் வெண்முரசில் வைத்து வெள்ளாவி வைத்ததைப் போலவும், சீதையைச் சந்தேகித்து தீக்குளிக்க வைத்தது போலவும், அனுமானின் நெஞ்சைப் பிளந்து ரத்தம் சொட்ட சொட்டக் காட்டியது போலவும் டெமி மூரை கதறக் கதறக் கற்பழித்துக் காட்டி இருப்பார்கள் தமிழ் இயக்குனர்கள். நம் நடிகர்களுக்கும் அதற்கு மேல் என்ன செய்வது என்பது தெரியாதக் காலக்கொடுமை!!!
நான் கூட ரீபோஸ்டில் போய் அந்த வீடியோவை டவுன்லோட் செய்து தமிழ் அறிவுசார் சமூகத்திடம் இது போல ஷேர் செய்திருக்க முடியாது.
ஸ்ட்ரிப் டீஸ் செய்ய விடாத சமூகம் தான் தோலைக்கிழித்து ரத்தமும் சதையும் சிதறச் சிதறச் சிதற சைக்கோத்தனமான வன்முறையின் உச்சமாய் நெஞ்சைக் கிழிக்கவும் தீயில் குதிக்கவும் செய்து மகிழ்கிறது.
அதை துரோகம் விசுவாசம் என்று சொல்லி பினாத்துகிறது.
எனவே இந்த " துரோகி" "விசுவாசி" என்று முடை நாற்றமடிக்கும் சொல்லாடல்களை தயவு கூர்ந்து எடுத்துக்கொண்டு தடி எடுத்துக்கொண்டு வரவேண்டாம்.
தாடிகள் எல்லாம் தாகூரா?
மீசைகள் எல்லாம் பாரதியா?
வேசத்தில் ஏமாறாதே தோழா!!
என்று எம்ஜிஆர் வேடத்தில் நடித்த மோஹன்லால் பாடுவது போல வைரமுத்து எழுதியிருப்பார்.
ஏனோ தெரியவில்லை இப்பாடலுடன் இப்பதிவை முடித்து விடலாம் என்று முடித்துக்கொள்கின்றேன்
பிரபஞ்சமென்பது பிறிதொரு ஞானம்!
காட்டுப்பாதையின்
குறுக்கால்
ஒரு
குறும்பாதை....
இதுவரை
யாரும் சென்றதற்கான அறிகுறியேதுமின்றி....
நீண்டு நீண்டு
சென்று கொண்டிருந்தது.
தடம் பதித்துச் செல்ல
செல்ல
மெல்ல விரிந்தது
அகன்ற கானகம்.
காரிருள் சூழ் காலம்!
பறவைகளின் ஓலமும்
சிறு மிருகங்களின் பதற்றமும்
தொற்றிக்கொள்ள,
அச்சமூட்டும் ஒலிகளும் மிரட்சியளிக்க,
ஒற்றையடிப்பாதையில்
உள்ளே
செல்ல செல்ல
என்னையே பார்க்க முடிந்தது...
ஆழ்மனக்குகையினை
நினைவுபடுத்தும்
இருள் சூழ
அங்கே
எதையோத் தேடிக்கொண்டு
நான்.
நான்காம் பரிமாணத்தில்
நான்
எனக்கே
வேறொரு முப்பரிணாமத்தில் தெரிந்தேன்.
முக்காலமும் முட்டுச்சந்தில் உட்கார்ந்து
தலை சொறிந்து கொண்டிருக்க
இறந்ததும்,
இருப்பதும்,
இறக்கப்போவதும்,
இன்னும் பலவும்
எதிரே நின்றது....
கடவுளாவது கத்திரிக்காயாவது...
பிரபஞ்சமென்பது
பிறிதொரு ஞானம்,
விண்டவரும் கண்டவரும் ஒன்றெனும் ஞானம்....
@cupidbuddha #Cupidbuddha #enlightenment #bliss #ecstasy #psychedlic
முருகனைப் பார்ப்பான்...
த்தா அது என்னடா கந்தன்?
"ன்" விகுதில மரியாத இல்லாம என் முப்பாட்டன சொல்றீங்க.... ?
இனிமே எவனாவது கந்தனுக்கு அரோகரான்னு சொன்னா மரியாதை கெட்டுப்போயிட்டும் ரேஸ்கல்ஸ்..
"ர்" விகுதி போட்டு மரியாதையோட சொல்லுங்க
"க"முன்னாடி "ஸ்" போட்டாச்சுன்னா அப்படியே ஆகம விதிகளுக்குள்ளார வந்துரும் ஐயருக்கும் புரிஞ்சுரும் ஈசியா இருக்கும் மந்திரம் சொல்லுறதுக்கு.....
ஹர ஓ ஹரா என்பதை "சீர்திருத்தி" இந்த தமிழர்கள் அரோகரா என்று சொல்லி விட்டனர்.
இந்த அநீதி மீண்டும் மீண்டும் நடைபெறாமல் இருக்க வேண்டும்.
நிற்க!!
பார்ப்பனர்களின் வேதமும் சாஸ்திரமும் சடங்குகளும் பூசைகளும் புணஸ்காரங்களும் அவற்றின் சூதும் நயவஞ்சகமும் குள்ளநரித்தனமும் காலங்காலமாக தமிழர்களையும் மனிதர்களையும் இந்துக்கள் என்று சொல்லி பிரித்தாள முயற்சித்துத் தோற்றது.
இப்பொழுது கந்தனுக்கு அரோகராச் சொல்லச் சொல்லி கதறுகிறது.
ஆகம விதிகளுக்குட்பட்ட ஏதேனும் ஒரு கோயிலின் கர்ப்பகிரகத்திற்குள் சென்று,
ஒரே ஒரு பார்ப்பானையோ அல்லது அவனுக்கு சிங்கியும் சங்கியும் அடிக்கும் ஒரு இந்துவையோ
"கந்தர் சஷ்டி கவசமோ" அல்லது "கந்தனுக்கு அரோகராவோ" சொல்ல சொல்லுங்கள் அன்று சொல்வோம் பார்ப்பனர்கள் மட்டும் இந்துக்கள் அல்ல என்று!
காலையில் பக்திப்பிரவாகத்தில் திளைத்து பரவசத்தில் மூழ்கிட இந்தப் பாடலை கேளுங்கள்!!!
முருகனைச் சிறு தெய்வம் என்று சொல்லும் சின்னப்பசங்களுக்கு ஒன்று சொல்லிக்கொள்கிறேன்
என்னப்பனே கந்தப்பனே !!
போதையெனும் பெருங்கடவுள்.......
தனிமையை சுவாசக் காற்றாய் சுவாசித்து உட்கொண்டு தான் இருந்திருக்கிறேன்,
ஒவ்வொரு நொடியும்.....
கோமான்களிடையே, கோமாளிகளுடனே,
என எப்பொழுதும் கூட்டத்தோடு கூட்டத்திலே இருந்தாலும்
நான்
தனியாகத்தான் இருந்திருக்கின்றேன்...
சுற்றிக்கடல் நீர் இருந்தாலும் தாகத்திற்கு தண்ணீரற்று திணறியிருக்கிறேன்....
கடல் மீனாய்,
கிணற்றுத்தவளையாய்
திரிந்தும்
பறந்தும் பார்த்திருக்கின்றேன்....
தினமும் கவிதையெழுதியிருக்கிறேன்!
கவிதைகளை விட அதிகமாய் காதலித்து இருக்கிறேன்....
காதலை விட அதிகமாய் புணர்ந்திருக்கிறேன்,
புணர்தலை விட அதிகமாய் துறந்திருக்கிறேன்....
துறத்தலை விட ஏற்றுக்கொள்ளுதல் ஞானமென்றிருக்கின்றேன்..
ஞானமே உச்சகட்ட போதையென்றிருக்கின்றேன்
போதைதான் பெருங்கடவுள் என்றிருக்கிறேன்.....
பெருங்கடவுளே நானாயிருக்கிறேன்.....
வா என்னுடன் வந்து வாழப்பழகு......
வாழ்வு மட்டும் தான் அழகு!!!
வாழ்வு மட்டுமே அழகு
"முப்பாட்டன் முருகனும் முப்பதாம் தலைமுறைப் பேரனும்"
விரதம் இருக்குற சமயத்துல ஒழுங்க விரதம் இருக்காம போயிட்டா முருகன் வேல்கம்பு வச்சு கண்ண குத்திருவாருன்னு எங்கம்மா என்னைய மெரட்டும்....
பயபக்தியோட விரதம் இருந்து வெற்றிவேல் முருகனுக்கு அரோகரா, கந்தனுக்கு அரோகரா, கடம்பனுக்கு அரோகரா, வேல் வேல் முருகா வெற்றி வேல் முருகா என்று தினமும் அரோகரா போட்டு....
துதிப்போர்க்கு வல்வினை போம்,
துன்பம்போம்,
நெஞ்சில்
பதிப்போர்க்குச் செல்வம்
பலித்துக் கதித்தோங்கும்
நிஷ்டையும் கைகூடும்,
நிமலரருள்
கந்தர் சஷ்டி கவசம் தனை.
அமரரிடர்தீர அமரரம் புரிந்த
குமரனடி நெஞ்சே
குறி என்று முழு கந்தர் சஷ்டி கவசத்தை முழுங்கியவன் நான்.....
(இன்னிக்கும் almost ஒரு 90% மனப்பாடமா பாடுவேன்.)
வைகையாற்றுக்கரைக்கு அதிகாலை 3-4 மணியளவில் சென்று அங்கு நீராடி பால்குடம் எடுத்து தலையில் வைத்தவுடன் , அரோகாரா அரோகரா சத்தம், மேள தாளம்,கொட்டு, நாதஸ்வரம் என அந்த இடமே ஒரு மாதிரியான Trance நிலைக்கு சென்று புதுவகையான vibration கிடைக்கும்,
பல பேரு இதுல டான்ஸ் ஆடுவாய்ங்க அதோட ரொம்ப பேருக்கு சாமி வேற வரும்,
வேற லெவெல்ல சாமியாடுவாய்ங்க......
நமக்கு சாமி வரவே வராது,
எங்கப்பா சொல்லுவாரு டே சாமியாடுடா இல்லாட்டி தலை மேல பால்குடம் வைக்கமாட்டாய்ங்க அப்படின்னு....
நானும் வேகமா தலையாட்டிட்டு அப்படியே லைட்டா ஆட ஆரம்பிப்பேன்...
எங்கப்பா டக்குன்னு இந்தா "சத்யாவுக்கு சாமி வந்துருச்சு" சாமி வந்துருச்சுன்னு சொல்லி பால்கொடத்த எடுத்து தலைல வைக்க சொல்லுவாரு ...
தலைல வைக்கிறப்ப பூசாரி, அப்படியே "எச்சி தெறிக்க" அரோகராஅரோகரான்னு கத்தி, விபூதிய எடுத்து கொஞ்சம் நெத்தில, கொஞ்சம் கையில, கொஞ்சம் நெஞ்சுல, கொஞ்சம் வாயிலன்னு அப்பி விடுவாப்ல....
அதுக்கப்புறம் நான்லாம் வேற லெவல்ல சாமியாடிருக்கேன்...... அப்படியே திருப்பரங்குன்றம் போயி பாலமுருகனுக்கு பாலாபிஷேகம் செஞ்சுறுவோம்.
இது போக ஏறத்தாழ ஒரு 20-25 வருடங்களாக வைகாசி விசாகத்தன்று எங்கள் தாத்தா பெயரில் மதுரையில் திருப்பரங்குன்றம் முருகனுக்கு பால்குடம்| காவடி எடுப்பவர்களுக்காக நீர்ப்பந்தல் வைத்திருக்கொண்டிருக்கின்றோம். நீர்ப்பந்தலில் விசிறி, நீர் மோர், பானக்கம், தண்ணீர், கொடுப்பது, காவடி எடுப்பவர்களுக்கு தேவையான வஸ்துக்கள், குளிர்ந்த நீர், பன்னீர் தெளிப்பது போன்று பல வேலைகள் ஜரூராக நடக்கும்.
இப்படி முப்பாட்டன் முருகனிடம் பல பக்தி மார்கங்கள் மூலம் சரணாகதி அடைந்து,
பின்னர் முருகனின் பிரபல்யம் குறைந்து சாய்பாபாக்கள், மாதா அமிர்தானந்த மயிக்கள் என பக்தி மடைமாற்றம் செய்யப்பட்ட ஒரு நல்ல வேளையில்,
நான் கொஞ்சம் கொஞ்சமாக இவர்கள் சொல்லும் "இறைக்கும்" எனக்குமான இடைவெளியினை கூட்டிக்கொள்ள ஆரம்பித்தேன்.
அதற்கு பிறகு வேறு கதை!!
நிற்க!
இவ்வளவு ஒரு நீண்ட நெடிய பதிவுக்கான காரணம் என்னவென்றால்.....
முருங்கைக்காய்க்கு "முருங்கைக்காய்" அப்படின்னு பேர் வர்றதுக்கு என்ன காரணம் அப்படின்னு ஒரு ஆராச்சியில் இறங்கியபொழுது அது "முருகன் காய்" என்று சொல்லி அதற்கு ஒரு பெரிய பின்கதை கேள்விப்பட்டேன்.
அந்தக்கதையை எழுதலாம் என்று பல நாள் முயன்று இந்த வாரம் எழுதலாம் என்று இருந்தேன்.
ஆனால் "கந்தர் சஷ்டி கவசத்திற்கும்" காப்பிரைட் மற்றும் தமிழின சிறு தெய்வமான முருகனையும் "இந்துக்கள்" சொந்தம் கொண்டாட துவங்கிவிட்டனர் என்று பதிவுகள் மூலமாக தெரிய வந்தது
எனவே முப்பாட்டன் முருகனை இந்துக் கடவுளான கார்த்திக்கிடமும் விநாயக்கிடமும், ஷிவ்ஜீ & பார்வதி ஜீயிடம் இழந்து நிற்கும் " முப்பதாம் தலைமுறைப் பேரனாய்" அந்த முருகன் காய் பற்றிய கதையை பின்னாடி ஒரு நாள் எழுதலாம் என்று மனதை தேற்றிவிட்டேன்.
சிங்கச் சித்தன்!!!
சிங்கம் தனது தேவையை விட அதிகம் உண்ணுவதில்லை.....
ஏனெனில்
சிங்கம் தினமும்
வேட்டைக்குப் போகும்!
சிங்கம் விட்டுச் சென்ற
மிச்சத்தை
நக்கிச் சாப்பிட்ட பின்
சிறுநரிகள்
தந்திரம் யோசிக்கும்......
எச்சில் மிச்சத்தை
சேர்த்து வைக்கலாமா?
என்று
திட்டம் தீட்டும்......
சேர்த்து வைத்ததை
சேமிப்பு
என்று
பெயர் சூட்டலாமா
என
மூளை கசக்கும்....
எச்சில் சேமிப்பை,
வழியற்ற
வறிய
சிற்றெலிகளுக்கும்
சிறு காக்கைகளுக்கும்
கந்து வட்டிக்குக் கொடுக்கலாமா?
என்று கனவு காணும்...
வட்டி கட்ட முடியாத
பின் அவைகளை அடிமையாக்கலாமா
என்று ஆலோசிக்கும்....
அப்படி
தன்னிடம் கையேந்தும் காக்கையையும் சிறு எலியையும் தனக்கு சேவகம் செய்யவும்,
தனக்கு சாதகமாக
பொய்யை உண்மையாகவும்
உண்மையை பொய்யாகவும்
திரிக்கச் செய்யும்.
சிங்கம் விட்டுச் சென்ற
எச்சிலைத் தின்று
தினவெடுத்த
தந்திர நரிகள்
சிங்கத்தையே
கேள்வி கேட்கும்....
நீ ஏன்
சரியான நேரத்திற்கு
வேட்டைக்கு செல்லவில்லை? ஒரு நாளைக்கு
நீ
இத்தனை முறை
வேட்டைக்கு செல்லவேண்டும்
எனக் கட்டளையிட முயலும்....
நாங்கள் நக்கித்திங்க
நீ தினமும் வேட்டைக்குப் போகவேண்டும்
என்கின்ற
உன்னுடைய
பொறுப்பும் கடமையும்
உனக்குப்
தெரிகிறதா? புரிகிறதா
என்று
ஏகவசனத்தில்
பேசும்!ஏசும்!
யதேச்சையாக நடந்தவைகளனைத்தையும் சிங்கத்தை சின்னாபின்னப்படுத்தியது போல சித்தரிக்க முயலும்
சிறு நரிகள் கூட்டம்,
சிங்கமோ யதார்த்தமானது....
அதற்கு
வேட்டையாட
மட்டும் தான் தெரியும்!!!
சிறுநரிகளுக்கோ
சிங்கத்தின் மிச்சத்தை
நக்கித்திங்க
மட்டும் தான் தெரியும்!
போதி மரத்துப் பௌதீகம்!!!
பெரும் மீதியாய்
மிச்சமிருப்பவள்
நீ!
உனக்கென்றிருந்த வேதியியலில்
அணு ஆதியாய்
சொச்சமிருப்பவன்
நான்!
சேர்மங்களின்
அறிவியல் மய்யம்
நான்!
ஓர்மைகளின்
அரிச்சுவட்டு அய்யம்
நீ!!
போதி மரத்தடியில்
பௌதீகம் பேசுகின்ற
இயற்பியல்
நீ!
ஒழுங்கற்ற வனத்தில்
ஒழுங்கு பேசுகின்ற
இயங்கியல்
நான்!
கலவியில் ஒழுங்கு நான்.....
விலகையில் விலங்கு நீ......
துச்சாதக் கைகள் நான்....
வற்றாத வைகை நீ!!
குற்றாலச் சீறல் நீ...
குற்றங்களின் பிள்ளை நான்!!
எட்டாத எல்லை நீ...
என்றுமுந்தன் தொல்லை
நான்!!!
Pic Courtesy:- Nivethapethuraj
செம்பயிருக்கு வேர்.....
அன்றைய திராவிட இயக்கங்கள் "தமிழ் " என்கின்ற ஒற்றைச்சொல் மூலமாக உணர்வு ரீதியாக தமிழர்களை ஒன்றிணைக்க
முயன்று வென்றனர்.
ஆனால் இன்றைய திராவிட இயக்கங்கள், தங்கள் சுயநலத்திற்காக தமிழர்களின் உணர்வுகளைப் புண்ணாக்கி,
அதை வணிகம் செய்து, தங்கள் அரசியல் வளர்ச்சிக்காகவும், குடும்ப லாபத்திற்காகவும் மட்டுமே பயன்படுத்தி மொழிவியாபாரம் செய்து வருகின்றனர்.
திராவிடத்தை பெயரில் மட்டும் வைத்து தனது தேர்தல் அரசியல் வியாபாரத்தை, இன்று வட இந்தியத் தலைமையிடம் கொடுத்து,
முட்டுச் சந்திற்குள் மொழியின் மொத்த வியாபாரம் செய்யும் முன்னேற்றக் கட்சிகளுக்கு இடையே,
நாமும் சின்னதாய் சில்லரை வியாபாரம் செய்யலாமே என்று வணிக அரசியல் செய்ய வந்த
"நாங்க மட்டுமே தமிழர்கள்" போன்ற கட்சிகள் இதை "தமிழ்ச் சர்வாதிகார" நோக்கில் பயன்படுத்தத் துவங்கினர்.
தமிழர்களின் அறிவு மிகவும் விரிவானது.
அது நல்லவைகளை தேர்ந்து அல்லவைகளை நீக்க வல்லது.
"மாற்றான் தோட்டத்து மல்லிகைக்கும் நல்ல மணமுண்டு" என்று சொல்லிய அறிஞர்களைக் கொண்டது.
'கெடல் எங்கே தமிழர் நலம் அங்கே கிளர்ச்சி செய்' என்று புரட்சிக்கு வித்திட்ட வீரமரபு கொண்டது.
எனவே டி சேர்ட்டில் தமிழுணர்வை சேர்த்து தமிழர்களை ஒன்றிணைக்க நினைக்கும் வட இந்திய தேர்தல் நிபுணர்களின் அரைகுறை பேச்சில் ஆர்வம் கொள்ளாமல்,
நல்ல தமிழர்கள் விரும்பினால் அமைதியாக இந்தி படிக்கலாம்! இன்னும் பல மொழிகள் கற்கலாம். தவறில்லை!
" தமிழன் என்பது தகுதி அல்ல அது அடையாளம் மட்டுமே" என்று சொல்லும் தலைவர்களைக் கொண்டது நம் தமிழ் நாடு!! அவர் சொல் கேட்போம் .
மெல்லச் சாக, தமிழ் என்ன சமஸ்கிருதம் போல கடவுளின் மொழியா?
இன்பத்
தமிழ் எங்கள் சமூகத்தின் விளைவுக்கு நீர்
இன்பத்
தமிழ் எங்கள் உரிமைச் செம்பயிருக்கு வேர்!
இன்பத்
தமிழ் எங்கள் வளமிக்க உளமுற்ற தீ!!!
தமிழ்த்தீ பரவும்......
ஆனால் எவரின் வணிகமோ வயிறையோ வளர்க்க அல்ல, தமிழர்களின் வளம் வளர்க்க மட்டும் தான்!!
பின் குறிப்பு:-
வினா: அன்றைய திராவிட இயக்கங்கள் இன்றைய திராவிட இயக்கங்கள் வித்தியாசம் என்ன?
விடை: இந்தியாவிற்கு சுதந்திரம் வாங்கி கொடுத்த கட்சி காங்கிரஸ், அப்படின்னு இன்னிக்கும் பல பேரு நெனைக்கிற மாதிரியான ஒரு முட்டாள் தனம்!!!
காமத்தீயும் வாய்ப்புண்ணும்
உன்
நாவினால்
சுட்ட வடு
உள்ளாறும்,
ஆறாதே...
காமத்தீயினால்
சுட்ட புண்!
#முத்தக்குறள்
Sathya Moorthy
Cupidbuddha
#cupidbuddha
பெண் லயனுடன் Online
"ஆன்லைனில்"
இல்லாத போது
என்ன செய்வாய்?
என்று கேட்டாள்.....
"பெண் லயன்"
உன்னிடம்
"ஆண் லயன்"
நான்
கதையாடிக் கொண்டிருப்பேன்
என்றேன்!!
நெட்ஒர்க் இல்ல
"போடா"
என்றாள்!
"போடா"
என்றவுடன்
சரி
எதோ
தேர்தல் பிரச்சாரம் போல
என்று எண்ணி,
"இடைத்" தேர்தலில்
சீட் வாங்கலாமா
என்று
"டீ- சேர்ட்டை"
கழட்டி
போட்டு விட்டு
வந்தேன்!
#குண்டக்கமண்டக்க #cupidbuddha #campaign #politics #dravidianmodel #antiaryan #HindiSpeakingTamilan #poda #election
காமக்காரி....
உனது
ஒவ்வொரு தொடுதலிலும்...
ஒரு
தேர்ந்த
பச்சை குத்துபவளின் நேர்த்தியும்,
பிரசவம் பார்க்கும்
கிழவியின் கூர்மையும்,
க்கவிதை எழுதுபவளின் கிளர்ச்சியும்,
க்காமக்காரியின்
முதிர்ச்சியும் ஒருசேர உணர்கிறேன்!
காதலைப் புனிதம்
என்று பிதற்றித்திரியும் காமப்பிசாசுகளிடமிருந்து என்னை ரட்சியும்
எந்தன் பர தேவதையே....
காமப்புனலிடமிருந்து என்னை நான்
காத்துக் காதலித்துக் கொள்கின்றேன்.
#pic #courtesy priya anand
இருட்டுக் குடுவை.….
பெரும்
ரகசியங்களடங்கிய
ஒரு
இருட்டுக் குடுவையை
உன்னிடத்தில்
பத்திரப்படுத்தி வைத்திருக்கச் சொல்லிச் சென்று,
மறந்து
திரும்பிய,
அக்கணத்தில்
பால்வெளியின்
ஒரு
மூலையோரத்தில்
பிரபஞ்சரகசியம்
எனைப் பார்த்து
எக்களித்ததைக் கண்டு
என்னவென வினவ,
விடையறியா
வினாக்களுக்கு
"பிரபஞ்ச இரகசியமென்று"
இன்னும்
சொல்லித்திரியும்
"எத்தர்களுக்கு"
மத்தியில்
"சித்தன்"
நீயொருவன் தான்
சிவனென்றுணர்ந்தவனென்றிருந்தோம்....
அய்யகோ
நீயோ
உனது
ரகசியங்களை எப்படி
இருட்டுக் குடுவையிலடைத்தாயென்ற
பிரபஞ்சத்தைப் பார்த்துக் கேட்டேன்,
"பரிமாற்றமெனும்"
பேரிலோ
அல்லது
"பரவலாக்கம்"
எனும் பெயரிலோ
உனது
பிரபஞ்ச ரகசியத்தையும்
எனது
குடுவை ரகசியத்தையும் அவ்விருட்டுக் குடுவையிலிருந்து உடைத்தெறிவோமா
எனத் திருப்பிக் கேட்க,
பதிலறியா
திகைப்பிலிருந்த பிரபஞ்சத்திடம்
சொன்னேன்,
என் ரகசியமும்
உன் ரகசியமும்
ஒன்றேயென.....
பட்டென கிட்டிய ஞானத்தையெடுத்துக் கொண்டு
புதிய
பால்வெளியைத்தேடி
விர்ரென்று
கருந்துளைக்குள்
புகுந்து மறைய,
நான்
இப்பொழுது
உன்
வீடிருக்கும்
முட்டுச்சந்தினுள் நிற்கின்றேன்
என்
இருட்டுக்குடுவையை
வேண்டி......
ப்ரம்மம் பெண்ணாஸ்மி....
இரவுநேர
உடுக்கையை
படுக்கையில்
அகற்றிய பொழுது
பல விண்மீன்களும்,
சில நிலாக்களும்
உதிர்ந்தன!!!
பிரபஞ்சம் பார்த்தேன்,
உன்
கருவளையத்தை
விட
கொஞ்சம்
சிறியதாகத்தான்
இருந்தது...
காதலை உடைத்து
காமத்தை விதைக்க
இடை புகுந்தேன்...
இறை கண்டேன்!
பிரம்மம் பெண்ணாஸ்மி!
சமூக விலகல், சமூக வலைத்தள விலகல், சமூகத்திலிருந்தே விலகல்??
லாக்டவுன் , ஊரடங்கு , போன்ற வார்த்தைகள் சர்வாதிகாரத்தனமான வார்த்தைகள்.
அதிகாரத்திற்கு அடங்க மறுப்பவர்கள் மீது அதிகாரம் செலுத்துவதற்கு ஒரே வழி அவனை ஸ்தம்பிக்கச்செய்வது.
செய்து கொண்டிருக்கும் அன்றாட வாழ்க்கை முறையினை, செயல்பாடுகளை, உணவு பழக்க வழக்கங்களை, என அனைத்தையும் ஒரேடியாக நிறுத்தி,
அதை தடுத்து புரட்டிப்போட்டு, தனக்கு வேண்டியவற்றை, தான் சொல்லும் முறையில் செய்ய வைக்கும், ஒரு புது வகையான அரசாட்சி முறைகளை உலக அதிகார வர்க்கங்கள் எடுத்துக் கொண்டிருக்கின்றனவோ என்கின்ற வகையில் ஒரு சாராரும்......
குடும்பத்தோடு ஜாலியா இருக்க கிடைத்த வாய்ப்பு என்று நினைத்து, கடேசியில் "ச்சை" எரிச்சலா இருக்கு இவ மூஞ்சிய பாக்குறதுக்கு இதுல என்ன பேச்சு பேசுறான்னு கடுப்புல பயபுள்ளைக பல பேரு, (ஆண்பாலை பெண்பாலாகவும் மாற்றிக்கொள்ளலாம்)
நான் ஈ கூட பேசுறேன், எறும்பு கூட கவித எழுதுறேன்.... பட்டாம்பூச்சிக்கு பாட்டு சொல்லிக்கொடுக்குறேன்னு ஒரு குருப்பு கெளம்பி இருக்காய்ங்க...
அந்த ராமரே 14 வருசம் வனவாசம் போனாரு நமக்கு ஜஸ்ட் ஒன்லி 21 டேய்ஸ் தான் கண்ணா கவலப்படாதன்னு சில பேர் ஜல்லியடிக்க....
உலக சுகாதார நிலையத்துக்கே சில பல டேட்டா தரவுகளை அவுத்து விட்டு மாஞ்சா தடவாத டாக்டர் பட்டத்த விட்டுகிட்டு இருக்காய்ங்க.....
சிறுமொளகுல கொஞ்சமா சித்தரத்தைய போட்டு வெந்நீர்ல பதமா தேன் கலந்து அதுல கொஞ்சமா மஞ்சள் பொடி போட்டு இறக்கி முக்கா முக்கா மூணுவேளைக்கு குடிச்சா கொரோனா என்ன அவங்க அப்பத்தாவே நம்மகிட்ட வரமுடியதுன்னு கொஞ்சபேரு.....
சாவு எல்லாத்துக்குமான முடிவு இல்ல அது ஒரு வகையான புதிய தொடக்கம்னு கொஞ்ச பேரு கதறக்கதற கற்பனையை ஆத்தி விட....
கொரோனாவிற்கு எப்படி இந்த மானிடச்சமூகத்தின் மேல் இத்தனை காதல் என்று சிலர் டபாய்த்துக்கொண்டிருக்க
நம் வீட்டு வரவேற்பறை வரை வந்து கொண்டிருந்த இந்த சமூல வலைத்தளங்கள் இப்பொழுது பாத் ரூம் வரை வந்து ஹெல்லோ சொல்லிக்கொண்டிருக்கின்றது.
#SocialDistancing என்பது #SocialMediaDisturbing காக மாறிக்கொண்டிருக்கின்றது என்பது மட்டும் உண்மை.
Subscribe to:
Posts (Atom)
Popular Posts
-
பொன்னியின் செல்வன் திரைப்படத்தின் வெற்றிக்கு சில காரணங்கள்! பாண்டியர்களின் ஆபத்துதவிகளின் ராஜதந்திரம் மற்றும் அவர்களின் அறம்! ஒரு பெரிய ஹீ... -
எனை சுற்றிய, சுற்றும் இயல்பு நிகழ்வுகளை சாட்சியாய் பார்க்க, நானில்லாவிடினும் இந்நிகழ்வுகள் நிகழ்ந்து கொண்டுதானிருக்குமென்ற நிதர்சனம் சுட, வெ...
-
மரணம் நம் அனைவருக்குமுண்டு என்ற ஒரே பயங்கரமான உண்மை தான் இந்த உலகில் அன்பு இன்னும் இருப்பத்ற்க்கான ஆதாரமாக இருக்கிறது.... எனது வெறுமை என்னை ...
-
தனியே தன்னையே தேடினேன் , அகிலத்தின் அக்குளுக்குள்ளும்..... அண்டத்தின் பிண்டம்தான் நீ " உணர்" .... உன்னை உன்னுள்ளே என்றது ஞானம் !!...
-
என்னவோ எப்பவும் நில்லா காற்றாக நிரைந்து நெருக்குகிறது, பூர்த்தி செய்த பின்னும் அப்படியே......
-
நிதர்சன யதார்த்தத்தில் துகிலுரியபடுகிறது மனிதம். துச்சாதனனாய் மனிதன்!!! லாரி மோதி நடுரோடிலுள்ள நாய் சிதறலில் மன்றாடுகிறது மனிதம் மனதின் கசிவ...
-
முகம் எனக்கு என்னவோ எப்பொழுதும் நிறைய கிடைக்கிறது!!! எனக்கு தேவைப்படுவதும் என்னிடம் தேவைப்படுவதுமாக, அனேக முகங்கள் அடுக்கடுக்காக எனது அகமாறி...
-
நிறையத்தான் படித்திருக்கிறேன். நிரம்ப கேள்வி ஞானமும் பெற்றிருக்கிறேன். வானத்தின் கீழான அத்தனை விடயங்களின் மீதான என்னுடைய அனுமானங்களை பலர் வி...
-
நசுக்கி நானெறிந்த சித்தெறும்பு கூட "ரட்சியும் பிதாவே" என்று "கெடா வெட்டி" "குர்பான்" செய்திருக்குமோ எனக்கு...
-
Why we always loose what we search for??? we can put it like this, If we can stop searching our pre-imbibed memories and teaching then we w...
